ශුද්ධවූ ජූඩ් මුණිතුමන් යනු අනපේක්ෂිත අවස්ථාවලදී බලාපොරොත්තුවේ සහ කළ නොහැකි හේතූන්ගේ අනුශාසක සාන්තුවරයා වන අතර ජේසුතුමන්ගේ මුල් අපොස්තුළුවරුන් දොළොස් දෙනාගෙන් කෙනෙකි.

මෙතුමා බොහෝ විට ඉතා දුෂ්කර තත්වයන් තුළ මහත් ආශාවකින් ශුභාරංචිය දේශනා කළේය. ශුද්ධාත්මයාණන්ගේ බලය තුළින්, මෙතුමා මිනිසුන්ට දෙවියන් වහන්සේගේ වචනය දෙශනාකරන විට ඔවුන්ගේ ජීවිතවල ගැඹුරු වෙනස්කම් ඇති කළේය,

ශුභාරංචිය අපට පවසන්නේ ශාන්ත ජූඩ් තුමා අපෝස්තුළුවරුන්ගෙන් කෙනෙකු වූ ශාන්ත ජේම්ස් ද අල්ගේ සහෝදරයෙකු වූ බවයි, මතෙව්තුමාගේ ශුභාරංචියේ විස්තර කර ඇත්තේ ජේසුතුමන්ගේ සහෝදරයන් කෙනෙක් ලෙසය සමහරවිට ඥාති සහෝදරයන්ය ශාන්ත ජූඩ් තුමා සාම්ප්‍රදායිකව නිරූපණය කර ඇත්තේ ජේසුස් වහන්සේගේ රූපය අතේ රැගෙන ය.

ශුද්ධ ජූඩ් තදේවුස් මුනිතුමාගෙ පළමු නම ජුදස් වුවත්,පසුව පාවාදුන් දුන් ජූදස් ගෙන් වෙන්ව හඳුනා ගැනීම සඳහා ජූඩ් යනුවෙන් සඳහන් වේ. සුවිශේෂක ලූක් තුමා එතුමාව ජාකොබ්ගේ පුත්‍ර ජුදාස් ලෙස හඳුන්වයි.

දෙවියන් වහන්සේගේ වචනය දෙශනාකරන අතරතුර එතුමන් කළ ආශ්චර්යයන්ගෙන් අතරින් එකක්වන එඩෙස්සාහි අබ්ගාර් රජු ලාදුරු රෝගෙයන් සුව කරන ලෙස ජේසුතුමන්ගෙන් ඉල්ලා සිටි අතර ඔහුට ජේසුතුමන්ගේ චිත්‍රයක් ගෙන ඒමට චිත්‍ර ශිල්පියෙකු යැවීය. අබ්ගර්ගේ ශ්‍රේෂ්ඨ ඇදහිල්ල ගැන පැහැදුණු ජේසුස් වහන්සේ ඔහුගේ මුහුණ රෙද්දක් මත තද කර ඔහුගේ මුහුණේ රූපය ඒ මත තැබුවා. ඔහු එම රෙද්ද ශාන්ත ජූඩ්ට දුන් අතරල ඔහු රූපය අබ්ගර් වෙත ගෙන ගොස් ඔහුව සුව කළේය.

ජේසුස් වහන්සේගේ මරණයෙන් හා නැවත නැඟිටීමෙන් පසු, ශුද්ධවූ ජූඩ් තුමන් මැද පෙරදිග, එනම් ජුදා, සමාරිය, ඉඩුමියා, සිරියාව, මෙසපොතේමියාව, ලිබියාව, බීරූට් සහ එඩෙස්සා යන රටවල ශුභාරංචිය දේශනා කළ බවයි. ශාන්ත සයිමන් තුමන් සමඟ දේශනා කර මුල් පල්ලියේ අත්තිවාරම් ගොඩනඟන ලදි. ශාන්ත ජූඩ් තුමන් නොසැලෙන ඇදහිල්ල නිසා දිවි පිදූවෙකු ලෙස මිය ගියේය. පසුව එතුමන්ගේ දේහය රෝමයට ගෙනවිත් ශාන්ත පීතර බැසිලිකාව යට පිහිටි ගුහාවක තැන්පත් කරන ලදී.

ජූඩ් අපෝස්තුළු තුමාගේ ප්‍රතිමා, පින්තූර වල ජේසුගේ පදක්කම පැළඳ සිටින බවද දැක්වෙයි.මෙය ජන කතා හා බැඳී පවතින්නක් බව පෙනේ.

ශුද්ධවූ ජූඩ් තුමා සිමියොන් අපෝස්තුලු තුමා සමග පර්සියාව ට ගොස් ධර්ම දේශනා කිරීමේ දී ප්‍රාණ පරිත්‍යාගී වී ඇත. ⁣ඓතිහාසික කතා අනුව ජූඩ් අපෝස්තුළුතුමා ව කණ්ඩායමක් විසින් තළා මරණයට පත් කළ බව කියැවේ.

ශුද්ධවූ ජූඩ් මුණිතුමන්ගේ උපලක්ෂණය වන්නේ පිත්තය. ඔහුගේ හිසෙහි ගිනිදැල්ලක් ‍ස්වරැපයට ද බොහෝ විට දැකගත හැක. මෙය පෙන්තකොස්ත සමයේදි ශුද්ධෝත්මයාණන් දානය කිරිමත් සමග සැබවින්ම නියෝජනය කරනු ලැ‍ෙඉබ්. හිසේ ගිනිදැල්ලක් යන ස්වරැපයෙන් පෙනි සිටිමට හේතු වන්නේ එහු දරණු අවස්ථාවල ආරක්ෂක මුනිවරයා විමත් බලාපොරොත්තු රහිත සිටින අයට හාස්කම් පැවැත්විමත්ය. ඔහු මෙලෙස පෙන්වනුයේ ශාන්ත ජුඩ් හාස්කම් සිදු කරන ආකාරයේ ශුද්ධාත්මය ද ඒවා සිදු කරන නිසාය. ඇතැම් විට එහු පොරව අල්ලා සිටිම යන ආකාරයකට නියෝජනය වන්නේය. (එනම් ඔහුව මරණයට පත් වුනේද මෙනැවැනි ආයුධයකින් නිසාය) තවද සන්නස් පත්‍රය සමග ද හෝ පෙතක් සමග ද හෝ වඩුවාගේ අධිකොුද්ව සමග ද ඔහුව දැක ගත හැක.ක්‍රි.ව 65 දී පමණ එතුමන්එව දරුනුලෙස පහරදී මරා දමනු ලැබූ බව කියැවෙ එතුමාගෙ මරණයෙන්ටික කලකට පසු බෙරූට් සිට රොමයට ගෙන එන ලද එතුමන්ගෙ ශු.සිරුර වතිකානුවෙ ශාන්ත පීතර බැසිලිකාවෙ වම් පස ප්‍රධාන අල්තාරය තුල තැම්පත් කොට ඇත.

ජේසුස් වහන්සේගේ මරණයෙන් හා නැවත නැඟිටීමෙන් පසු ශුද්ධවූ ජූඩ් මුණිතුමන්ගේ ජීවිතය ගැන දන්නේ අල්ප වශයෙනි, නමුත් පල්ලියේ පුරාණ සම්ප්‍රදාය නම් ඔහු මැද පෙරදිග, එනම් ජුදා, සමාරිය, ඉඩුමියා, සිරියාව, මෙසපොතේමියාව, ලිබියාව, බීරූට් සහ එඩෙස්සා යන රටවල ශුභාරංචිය දේශනා කළ බවයි.

මංග්‍යය ඔක්තෝබ්ර් 28

කතෝලික සභාව සතු සිද්ධස්ථාන අතර සියනෑ පුරවරයට ආලෝකයක් බදු ගම්පහා ඉදිගොල්ලේ පිහිටි සාන්ත ජුඞ් ජාතික සිද්ධස්ථානය ලොව පුරා කතෝලික බැතිමතුන්ගේ වන්දනාමානයට පාත‍්‍ර වු සාන්තුවරයෙකු වන සාන්ත ජුඞ් මුනිදුන් වෙනුවෙන් කැප කළ මෙරට පළමු දෙව්මැදුරයි. ගම්පහ ඉදිගොල්ල නම් ග‍්‍රාමයේ පොල්රුප්පාවකින් හා හරිත පැහැගත් වෘක්ෂ ලතාවන්ගෙත් යුතු මනස්කාන්ත හා නිසංසල පරිසරයක පිහිටි සාන්ත ජූඞ් සිද්ධස්ථානය කිතුණු බැතිමතුන්ගේ පමණක් නොව අන්‍යාගමිකයන්ගේ පවා බහුමානයට පාත‍්‍ර ඇති පුදබිමකි. එමෙන්ම මහත් අනුහස් ඇති ශාන්ත ජූඞ් පුදබිමේ ඉතිහාසය දසකකිහිපයක් කරා දිවයන්නෙකි. වසර 1992 දී මනස්කාන්ත නවදෙව්මැදුරක් ඉදි විය. තවද ආරම්භක දෙව්මැඳුර පිටුපසින් ඉදිවූ නව දේවස්ථානය දැකගත හැක.